Роберт Де Ниро, Машин-ган Кели и Џон Малкович ќе глумат во новиот филм на режисерот Рендал Емет, „Wash Me In The River“ (Избањај ме во реката).
Режисерот посебно го истакна задоволството од претстојната соработка со раперот Машин-ган Кели (чие вистинско име е Колсон Бејкер).
„Многу сум повозбуден што повторно ќе работам со Боб (Де Ниро), по толку многу соработки, вклучувајќи го тука и Ирецот како продуцент. Јас сум толку благодарен што тој сега ме поддржува и како режисер. Колсон, инаку, секогаш беше мојот прв избор како главна улога во филмот, а Џон е мој идол уште од детството. Да се имаат тие двајца, заедно со Боб е остварување на мојот сон, изјави Емет.
Ова е втор режисерски проект на Рендал Емет, по филмот „Midnight in the Switchgrass“ којшто е во постпродукција. Бил и продуцент во над 110 филмски и ТВ-проекти.
