Рускиот произведувач ја претстави унапредената верзија на неговиот најпознат автомобил.
Новата верзија на моделот го носи називот Niva Bronto. Иако Lada Niva може да се справи на секаков пат и со секакви предизвици, од компанијата AvtoVAZ сметаа дека има уште простор за унапредување, па така настана новата Niva Bronto која е заснована на верзијата Niva Legend од 2020 година, а на купувачите ќе им биде достапна во две верзии – Luxe и Prestige.
Моделот Luxe го карактеризираат метални браници, а Prestige има пластични браници и маска за ладилникот, како и заштитни додатоци од пластика на долните делови на каросеријата.
Niva Bronto e поставена на 15-инчни фелни со специјални гуми. За погонот е задолжен познатиот 1,7-литарски бензин со 83 КС и 129 Nm.
Цената сè уште не е објавена, но се очекува дека Niva Bronto ќе чини повеќе од 630.000 рубљи(околу 7.200 евра).
