Децата помали од 10 години имаат поголемо ниво на антитела од адолесцентите и возрасните по заразување со коронавирусот, покажа истражување објавено во Jama.
Научници анализирале скоро 31.000 серолошки тестови направени во Њујорк во периодот меѓу април и август, 2020 година. Се фокусирале на позитивните резултати од тестирањето кои укажуваат на прележана зараза со коронавирусот.
Според тие резултати е утврдено дека децата на возраст меѓу една и 10 години развиле средно ниво на IgG антитела, што е значително повисоко отколку кај возрасните.
IgG е вид антитела кои се наоѓаат во меѓуклеточниот простор и го штитат од зараза. Со докажувањето на присуство на овие антитела може да се докаже дали постоело претходно заболување или дали е спроведена вакцинација.
Истовремено најниско ниво на IgG е забележано кај помладите луѓе на возраст од 19 до 30 години.
Анализите се спроведени на помал бор примероци крв земени од деца, адолесценти и помлади возрасни луѓе, а целта била да се спореди имунолошкиот одговор кај различните возрасни групи.
Се покажало дека средното ниво на IgG антитела е двојно повисоко кај децата на возраст меѓу една и 10 години во однос на адолесцентите (11 до 18 години), а меѓу нив тој бил двојно повисок отколку кај помладите возрасни луѓе (од 19 до 24 години).
„Резултатите од студијата упатуваат на тоа дека разликите во клиничките манифестации од коронавирусот кај децата во споредба со оние кај возрасните може да бидат последица од имунолошкиот одговор поврзан со животното доба на пациентот. Значи, нашите податоци делумно можат да ги појаснат севкупните послаби симптоми и потешки облици на болеста кај заразените деца“, појаснуваат авторите на студијата.
Децата дури и кога ќе развијат блага слика на болеста можат да претставуваат огромен извор на вирусот.