Џенифер Лопез на својот Instagram профил објави неколку фотографии во кои ја најави соработката со брендот Coach, кои ја прикажуваат во некои од парчињата облека од новата колекција.
Истовремено на YouTube каналот на брендот беше претставено интервју кои Лопез го прави сама со себе и во кое открива кога ќе пристигне нејзиниот новиот албум.
Поп-ѕвездата, во соработка со креативниот директор на Coach, Стјуарт Веверс, претстави комбинација од спортски и елегантни парчиња облека, кои ќе ги задоволат најразновидните вкусови.
Лопез во објавеното видео на кампањата објаснува како таа и њујоршката модна куќа „навистина веруваат во моќта на креацијата и автентичноста“, две карактеристики што се особено нагласени во нивниот дизајн, направен специјално за Coach Outlet.
„Оваа колекција е толку Coach и јас“, вели Џенифер, „Носена е и малку гламурозна, но и спортска. Таа мешавина навистина ме возбудува. Тоа е неизменета, нефилтрирана, сурова верзија од нас“.
Ѕвездата на филмот „Maid in Manhattan“ додава дека ги сака сите парчиња, но има посебно место за препознатливата тренерка C. Како што вели, тоа е едно од оние парчиња што „ќе ги носи засекогаш“.
Пејачката вели дека чантите, додатоците и конфекциските предмети се „безвременски“, исто како и таа.
Во друго видео објавено како најава за кампањата, Лопез прави интервју со себе, каде што „две Џенифери“ поставуваат и одговараат прашања.
Еден од нив беше поврзано со нејзината музика и омилената песна што ја сними, на што поп-ѕвездата си одговори сама на себе дека штотуку завршила со снимање на новиот албум и дека тој ќе пристигне на 14 февруари наредната година.
