Основачот на Alibaba, Џек Ма, ја изгуби титулата за најбогат Кинез и сега е на четвртото место, пренесе Reuters.
Ма и неговото семејство важеа за најбогатите Кинези во 2019 и 2020 година, но откако семејниот бизнис беше ставен под строга контрола на кинеските регулатори, неговите ривали напредуваа на новата „Глобална ранг листа на милијардери 2021“ на истражувачката група Hurun.
Пред Џек Ма сега се Џонг Шаншан, сопственик на компанија за производство на вода, Пони Ма кој го води Tencent Holding и Колин Хуанг, од компанијата Pinduoduo за е-трговија.
Hurun смета дека кинескиот пазарен регулатор покрена антимонополска истрага над Alibaba, откако Ма во октомври минатата година јавно го критикуваше кинескиот регулаторен систем.
