Селекторот на репрезентацијата на Англија, Гарет Саутгејт, денеска го објави списокот со повикани фудбалери за претстојните завршни квалификациски натпревари против Малта и Македонија.
Како и македонскиот селектор Благоја Милевски, кој претпладнево објави список со 25 имиња, и Англичанецот Саутгејт денов го искористи за на јавноста да ѝ го претстави списокот со повикани играчи.
Англија веќе си го обезбеди местото на ЕУРО 2024 во Германија, но тоа не значи дека ќе се опушти. Токму затоа Саутгејт одлучи да ги повика најдобрите во моментов, а тоа во превод значи - сите ѕвезди.
Голмани:
Сем Џонстон - Кристал Палас
Џордан Пикфорд - Евертон
Арон Рамсдејл - Арсенал
Одбрана:
Леви Колвил - Челси
Луис Данк - Брајтон
Марк Геи - Кристал Палас
Хари Мегваер - Манчестер Јунајтед
Фикајо Томори - Милан (Италија)
Киран Трипие - Њукасл
Кајл Вокер - Манчестер Сити
Среден ред:
Трент Александер-Арнолд - Ливерпул
Џуд Белингам - Реал Мадрид (Шпанија)
Конор Галагер - Челси
Џордан Хендерсон - Ал Етифак (Саудиска Арабија)
Калвин Филипс - Манчестер Сити
Деклан Рајс - Арсенал
Напад:
Џарод Боуен - Вест Хем
Фил Фоден - Манчестер Сити
Џек Грилиш - Манчестер Сити
Хари Кејн - Баерн (Германија)
Џејмс Медисон - Тотенхем
Маркус Рашфорд - Манчестер Јунајтед
Букајо Сака - Арсенал
Оли Воткинс - Астон Вила
Калум Вилсон - Њукасл
Англија против Македонија ќе игра на 20 ноември од 24:25 часот на Националната арена „Тодор Проески“ во Скопје, додека три дена претходно на „Вембли“ ќе ја нагости Малта.
Потсетување, картите за натпреварот против Англија ќе бидат во продажба од понеделник. Повеќе информации за тоа како да се стигне до ова вредно парче хартија на следниов линк тука.
