Дени Мастерсон, кој се прослави со улогата на Хајд во популарната ТВ-серија „That '70s Show“, е уапсен по три обвиненија за силување.
Актерот бил уапсен вчера околу 11 часот и 30 минути во Лос Анџелес и пуштен само три часа подоцна со кауција од 3,3 милиони долари.
Мастерсон се товари за три силувања: во 2001 година наводно силувал 23-годишна жена, во април, 2003 година силувал 28-годишна жена и во перидот меѓу ноември и декември истата година силувал трета жена на 23 години.
Судењето е закажано за 18 септември. Ако биде осуден по трите обвиненија може да добие затворска казна од 45 години.
„Секако дека господин Мастерсон и неговата сопруга се шокирани, со оглед на тоа дека овие изненадни обвиненија се појавуваат по речиси 20 години. Сепак, тој и целото негово семејство наоѓаат утеха во тоа што сѐ ќе излезе на виделина. Оние кои го познаваат Дени Мастерсон знаат дека овие обвиненија се лажни“, соопшти неговиот адвокат.
