Германскиот весник Der Spiegel го прогласи американскиот претседател во заминување Доналд Трамп за „губитник на годината“.
Весникот го осудува Трам за одбивањето да прифати пораз на претседателските избори.
„Никогаш не го интересираше општото добро, туку само една работа - самиот тој“, пишуваат новинарите Роланд Нелес и Ралф Нојкирх во текстот со наслов „Der Verlierer des Jahres“ (Губитник на годината).
„Титулата“ му беше доделена на Трамп во четвртокот - истиот ден кога Time ги избра новоизбраниот претседател на САД Џо Бајден и новоизбраната потпретседателка Камала Харис за личности на годината.
„Ништо не е нормално под Трамп. Тој одбива да го признае поразот и наместо тоа зборува за масовна изборна измама иако нема докази за тоа. Но, тоа не е ништо чудно. Владата на Трамп завршува како што започна - без пристојност и без достоинство“, се вели во текстот.
Голем дел од Германците не му веруваат на Трамп
Трамп не е популарен кај Германците. Приближно 85 проценти од нив не му веруваат на Трамп, покажа истражувањето на Центарот за истражување Pew Research Center во 2019 година.
Еден висок германски владин службеник вели дека германско-американските односи може само да се подобрат со Бајден.
„Бајден е предвидлив, сигурен и сè само не вжештена глава. Најважно е што тој не е Трамп“, вели тој за Der Spiegel.
