Кошаркарите на Детроит Пистонс изминатата ноќ го забележаа 25-тиот последователен пораз во НБА лигата.
На домашен терен Пистонс загубија од Јута Џез со 119:111.
Со тоа Пистонс направија уште еден чекор кон најлошата серија на порази во историјата на НБА, неславен рекорд што моментално го држат Филаделфија 76ерс и Кливленд Кавалиерс со по 26 последователни неуспеси.
Тоа се однесува на порази во иста сезона, додека Филаделфија се апсолутни лидери со 28 порази во низа. Таа серија започна во сезоната 2014/2015, а продолжи и во следната 2015/2016.
Колку е тешка ситуацијата во Детроит сведочат и скандирањата против сопственикот Том Грос, кому навивачите му порачаа да го продаде тимот.