Македонската репрезентативна единица синоќа беше јунак за Рајо Ваљекано и со одбарнет пенал се погрижи големата Барселона да си замине дома поразена, а Куман да добие отказ.
Радамел Фалкао го постигна победничкиот гол за Рајо, но Македонецот Столе во 72. минута му одбрани удар од белата точка на Мемфис Депај и не дозволи Барса да израмни на 1:1.
„Беше неверојатен натпревар. Уживавме многу и сме пресреќни што дојдовме до победа која за нас е многу важна. Го направивме она што требаше да го направиме, она што од нас го побара тренерот. Ја игравме нашата игра, ни се пружи шанса и постигнавме гол“, вели Столе за натпреварот.
„Се подготвувавме напорно, трениравме и гледавме многу видеа што на крајот тоа ни донесе резултат, ни донесе три бода од овој натпревар“.
„На крајот завршивме без примен гол, нешто што во Примера е тешко остварливо, особено против Барса. Навистина сум пресреќен и презадоволен поради тоа“.
Рајо Ваљекано е хит во новава сезона и со овие изненадувачки три бода сега има 19 и е на 5. место, барем до комплетирањето на ова 11. коло. Рајо и Столе лани настапуваа во втората лига.
А, пак, нивниот противник по натпреварот му врачи отказ на тренерот Роналд Куман.
