До март се очекува да биде готова вакцината која ќе штити од новиот сој омикрон.
Директорот на фармацевтската компанија Pfizer, Алберт Бурла, истакна дека вакцинирањето со четвртата доза од вакцината против коронавирус може да се случи многу порано од очекуваното.
Тој во изјава за CNBC рече дека прелиминарните податоци од истражувањето покажуваат дека вакцината на Pfizer/BioNTech не обезбедува заштита од сојот омикрон.
Бурла го изјави ова откако Pfizer рече дека три дози од вакцината го зголемуваат имунитетот против новиот сој. Од Pfizer известуваат дека ќе направат вакцина која ќе биде ефикасна против сојот омикрон до март следната година.
„Ќе направиме истражување за тоа каков имунитет се добива со вакцинација со три дози и колку долго трае. Мислам дека ќе биде потребна вакцинација и со четврта доза. Меѓутоа, треба да почекаме малку. Можеби ќе треба да реагираме брзо“, рече директорот на компанијата Pfizer.
Тој напомена дека е важно да продолжи вакцинацијата бидејќи во зима луѓето поминуваат повеќе време во затворени простории при што се зголемува ризикот од инфекција.
Директорот смета дека вакцинација со три дози нема да биде доволна. Очекува дека таблетите на Pfizer против коронавирус пакловид ќе го намалат процентот на хоспитализации.
