И покрај импресивниот раст на бројот на претплатници, компанијата Disney ги зголеми загубите што ги трпи од своите стриминг услуги.
Стриминг платформата Disney+ во својот извештај за третиот квартал објави дека 12,1 милиони нови членови се претплатиле на нејзината услуга, што е за 3 милиони повеќе од очекувањата на аналитичарите. Севкупно, компанијата Walt Disney доби 14,6 милиони нови претплатници на своите услуги Disney+, Hulu и ESPN+, со што вкупниот број на претплатници достигна 236 милиони.
Иако Disney+, со 164 милиони претплатници, допрва треба да ги достигне бројките што ги има Netflix, овие три услуги заедно имаат споредлив број на корисници како најпопуларна платформа за стриминг во светот, која во последниот извештај објави дека привлекла 2,4 нови корисници, односно дека 223 милиони луѓе се претплатиле на нивната услуга.
И покрај импресивниот раст на бројот на претплатници, оперативната загуба на компанијата Disney се зголеми од 0,8 милијарди на 1,5 милијарди долари во последниот квартал, од кои најголем дел од загубите доаѓаат од трошоците за производство и технолошки развој на услугата Disney+, како и зголемување на трошоците за маркетинг. Загубите ќе беа уште поголеми доколку компанијата не ги надоместеше со повисоки трошоци за претплата, кои во декември ќе станат уште поголеми.
Извршниот директор на Walt Disney, Боб Капек, рече дека очекува загубите да се намалат во иднина благодарение на зголемувањето на цените и лансирањето на нов план за претплата поддржан од реклами – слично на Basic with ads на Netflix. Компанијата дури верува дека Disney+ е на пат да достигне профитабилност во фискалната 2024 година, под претпоставка дека нема големи економски пресврти.