Дрејмонд Грин, играчот на Голден Стејт Вориорс, е суспендиран од НБА на неодреден период поради дивјачкиот удар на Јусуф Нуркиќ.
Центарот на тимот од Сан Франциско во вторникот вечерта намерно го удри по глава Јусуф Нуркиќ, центарот на Феникс Санс, и поради тоа автоматски беше исклучен. Тоа беше трет пат сезонава Грин прерано да заврши натпревар.
За среќа, Нуркиќ не беше тешко повреден по грубиот удар на Грин, но интернационалецот од Босна и Херцеговина апелираше да престане неговото однесување.
„На братот му треба помош. Навистина не знам што е проблемот со него. Имав среќа што не се обиде да ме задави. Тоа што го направи нема врска со спорт или кошарка. Навистина не знам што размислуваше“, рече Јуркиќ по мечот со Вориорс.
Неодамна имаше сличен инцидент кога го фати Руди Гобер за врат и го давеше неколку секунди. НБА во својата одлука за суспензија наведе дека „Грин има историја на неспортско однесување“.
Според најавите на ESPN, Грин ќе треба да седне на маса со генералниот менаџер на Вориорс, Мајк Данливи, како и агентот на Грин, за да се преземат чекори со цел да не се повтори вакви случки.
Суспензијата Грин ќе го чини и финансиски. Доколку пропушти помалку од 20 натпревари, ќе биде казнет со 154.000 долари за секој. А ако е над 20, казната ќе се зголеми на 203.000 долари по натпревар, односно вкупно може да се искачи на некаде околу 4,2 милиони долари.