Влегуваме во финалната етапа на зимскиот преоден рок, кој трае до 2 февруари во најголемите лиги. Ова се најновите трансфери и шпекулации за денеска.
Манчестер Сити имаше шанса да го врати Един Џеко, кој е близу до заминување од Рома поради расправија со тренерот. Сепак, Пеп Гвардиола ја отфрли идејата.
Џанлука Ди Марцио пишува дека крилото на Лестер, Демарај Греј пристигнува во Баер Леверкузен.
Marca пишува дека Серхио Рамос е сѐ поблизу до заминување од Реал Мадрид, бидејќи клубот и играчот сепак не успеваат да постигнат договор за продолжување на договорот.
Calciomercato објави видео на кое се гледа како Масимилијано Алегри се состанува со спортскиот директор на Рома, Тијаго Пинто, во хотел во Рим. Веќе некое време се пишуваше дека Алегри може да го наследи Пол Фонсека на клупата на Рома, а ова видео само ги зголеми гласините.
Неколку клубови од Премиер лигата се заинтересирани да го донесат Ибрахим Конате од РБ Лајпциг, објави денеска германски Bild. Овој 21-годишник има откупна клаузула од 40 милиони евра, а наводно го бараат Манчестер Јунајтед, Ливерпул и Тотенхем.
Дени Роуз е сѐ поблизу до потписот за турски Трабзонспор, пишува Ajansspor. Дефанзивецот на Тотенхем веќе има договорено договор со турскиот клуб на три и пол години, а тој ќе потпише без отштета бидејќи Мурињо го отпиша во Лондон.
