Доделувањето на Греми наградите за прв пат ќе се одржи во Лас Вегас, а овие музичари се најголеми фаворити.
Најголемите музички имиња пристигнуваат на 64. доделување на Греми наградите во Лас Вегас. Најголем фаворит е Џон Батист со 11 номинации.
Доделувањето на наградите се одвива една недела откако актерот Вил Смит го шокира светот со оскаровската шлаканица на Крис Рок на бината. Џастин Бибер, заедно со Доџа Кет и Х.Е.Р. ќе се бори за 8 награди.
Били Ајлиш е номинирана за 7 награди, исто колку и Оливија Родриго. Лејди Гага и 95-годишниот Тони Бенет имаат голема шанса да освојат Греми за албумот „Love For Sale“, кој има 6 номинации. Кање Вест има 5 номинации и ќе се соочи со долгогодишната ривалка Тејлор Свифт во категоријата албум на годината. Неговиот настап е откажан поради проблематично однесување.
Водител на церемонија е комичарот Тревор Ноа.