Кошаркарите на Далас Маверикс во четвртиот меч од осминафиналето на НБА плејофот на продолженија ги победија Лос Анџелес Клиперс со 135:133 (24:34, 34:32, 35:19, 28:36, 14:12) и го изедначија резултатот на 2-2 во серијата прв до четири победи.
Херојот на триумфалната ноќ за Далас беше Лука Дончиќ кој го постигна и кошот за победа.
Клиперс подобро го отворија натпреварот и изгледаше дека ќе го прегазат ривалот, со оглед на тоа дека во еден момент од втората четвртина имаа предност од 21 поен.
Сепак, во третата четвртина Дончиќ заигра и по серија од 16:0 Далас направи целосен пресврт, па водеше со 110-99 на шест минути до крајот.
Во тензичната завршница од мечот Клиперс успеаја да се вратат и да се изборат за продолженија. Се чинеше дека Клиперс пак ќе направат пресврт и ќе слават, но тогаш Дончиќ ја постигна фантастичната тројка од 10 метри за победа со звукот на сирената.
Словенецот забележа трипл дабл на синоќешниот меч со 43 поени, 17 скока и 13 асистенции.
Кај Клиперс најефикасен со 36 поени беше Вилијамс, а Ленард застана на 32 со 9 скока.
Следниот натпревар ќе се игра на 26 август.
Резултати:
Филаделфија – Бостон 106:110 (0-4 во победи)
Далас – ЛА Клиперс 135:133 (2-2)
Бруклин – Торонто 122:150 (0-4)
Јута – Денвер 129:127 (3-1).