Словенечкиот кошаркар Лука Дончиќ одигра одличен натпревар во победата на Далас против Бруклин со 129:125, а собори и некои рекорди во НБА лигата и уште еднаш ги воодушеви навивачите на најсилната кошаркарска лига во светот.
Далас Маверикс победи против Бруклин Нетс по продолженија, а откако во регуларниот дел немаше победник (112:112), Дончиќ и соиграчите подобро се снајдоа во дополнителните минути и на крајот со 17:13, односно 129:125 вкупно, дојдоа до победа.
Иако синоќа Ирвинг и Дурент беа исклучително расположени и постигнаа 39, односно 37 поени, сепак на крајот убедливо прво име на натпреварот беше неверојатниот Лука Дончиќ, кој оствари трипл-дабл ефект за нешто повеќе од 40 минути поминати на паркетот.
Дончиќ натпреварот го заврши со 41 поен, а покрај тоа имаше и 11 скока и одлични 14 асистенции, а на ваквите трипл-дабл бројки додаде и 3 украдени топки.
Тоа е трипл-дабл учинок број 47 за Словенецот откако пристигна во најсилната кошаркарска лига во светот, а никој пред него не успеа да постигне такви бројки во трите основни категории и на тоа да додаде 3 украдени топки.
До трипл-дабл ефект стигна кога имаше 30 поени на своето конто, што е 22. пат во кариерата да оствари трипл-дабл ефект со повеќе од 30 поени, престигнувајќи го Вилт Чејмбрлејн на вечната листа на великани.
Со оглед на тоа што натпреварот го заврши со 41 поен, тоа беше трет пат во кариерата да оствари трипл-дабл учинок со 40 или повеќе поени, а воедно стана и само десеттиот играч во историјата на НБА кој стигнал до бројката од три или повеќекратни трипл-дабл учиноци во кои постигнал 40 поени. Ги израмни подвизите на Мајкл Џордан, Лери Бирд и Пит Маравич.
Резултати:
Бруклин Нетс - Далас Маверикс 125 - 129 прод.
Оклахома Сити Тандер - Лос Анџелес Клиперс 118:110
Голден Стејт Вориос - Мајами Хит 123:110
Сакраменто Кингс - Мемфис Гризлис 110:125
Табела: