Две Британки се повредени во напад од крокодили во лагуна на брегот на Мексико, соопшти локалната служба на цивилна одбрана.
Тие пливале во лагуната Маниалтепек кога се случил нападот, пренесе AP. Една од повредените туристки е оперирана и се наоѓа во индуцирана кома.
Властите во Мексико не го соопштија идентитетот на повредените туристки. Според пишувањето на Washington Post, станува збор за сестри близначки кои пливале во лагуната, позната по солената вода којашто станува биолуминисцентна во одреден период од годината.
Според сведоци, двете Британки пливале додека се случил нападот. Едната жена се обидела да ѝ помогне на другата додека се случил нападот.
Според BBC, станува збор за две 28-годишни сестри близначки кои волонтираат и работат во Мексико.
