Намалувањето на внесот на храна може да биде корисно за губењето на тежината, но за да добиете уште повеќе придобивки, истражувачите сугерираат дека можете да примените дополнителни чекори.
Во истражување објавено во списанието Nutrition, истражувачите испитале 227 возрасни лица кои побарале медицинска интервенција за губење на тежината и им било препорачано да следат еден од предложените три пристапи.
По следењето на една од диетите, 154 учесници се префрлиле на втората диетална интервенција, а потоа и на третата. За време на повремената диета, која исто така се нарекува и временски ограничена диета, тие продолжиле да се држат до планот со низок внес на јагленихидрати и висок внес на масти.
Околу 78% од пациентите изгубиле околу 5% од телесната тежина по едната диета, а немало разлика во количината на губење на тежината постигната во зависност од видот на диетата. Меѓутоа, оние кои по ред ги направиле трите предложени плана, изгубиле речиси двојно повеќе, што укажува на тоа дека промената на стратегијата за слабеење може поефикасно да ве доведе до вашите цели.
„Останувањето на иста диета може да биде предизвик и често е причина луѓето да престанат да го прават тоа“, вели д-р Ребека Кристенсен од Универзитетот во Торонто.
Затоа е охрабрувачки да се види дека последователните диети можат да имаат ефект. Можеби за многумина е полесно да се префрлат на нова диета отколку да се држат до еден долгорочен план.
Во овој поглед, посочува дека оние кои изгубиле само 5% од телесната тежина, продолжиле да добиваат големи придобивки по нивното здравје. Ова е затоа што оваа скромна количина е поврзана со подобрувања во кардиометаболната функција во минатото истражување.
Центрите за контрола и превенција на болести (ЦДЦ) известуваат дека губењето на 5 до 10% од вкупната телесна тежина може да помогне во регулирањето на крвниот притисок и шеќерот во крвта, а може да го намали и холестеролот. Ова е точно дури и ако останете во категоријата прекумерна тежина или дебелина, додава ЦДЦ, и одржувањето на тоа губење тежина со текот на времето може да продолжи да дава придобивки како што се подобро ниво на енергија, поголема физичка подвижност, подобрување на расположението и поголема самодоверба.
„Замислете го ова како различни алатки од кои можете да изберете кога одлучувате за диета. Не мора да избирате само еден план и да се придржувате до него“, додава д-р Кристенсен.
