Ако веќе не сте го направиле појадокот приоритет во вашата дневна рутина, можеби треба да започнете. Сепак, клучот е што да јадете наутро, а што да избегнувате.
Некои студии покажаа дека јадењето здрав појадок може да ви помогне да добиете повеќе есенцијални хранливи материи во текот на денот од оние кои не јадат утрински оброк.
Бананите се популарен избор за појадок бидејќи на многу луѓе им се брза, па го јадат тоа што најбрзо ќе го најдат. Сепак, нутриционистот Дерил Џофри смета дека бананите треба да се избегнуваат наутро.
Бананите се полни со калиум и витамин Б6, но немаат холестерол и сол, па нема да ве одржуваат со енергија во текот на денот.
„Бананите изгледаат како совршен избор, но имаат 25% шеќер и се умерено кисели. Тие на почетокот ќе ви дадат енергија, но наскоро ќе бидете уморни и гладни“, вели тој.
Ако сепак сакате да ги јадете наутро, Џофри препорачува да ги комбинирате со извори на здрави масти, како јаткасти плодови, семки, авокадо, маслинки и јајца.
Националната медицинска библиотека на САД составува голем број студии кои откриле дека јадењето банани за појадок е проблематично бидејќи тие се поврзани со зголемување на нивото на шеќер во крвта.
На прво место, треба да бидат внимателни пациентите со дијабетес тип 2, чие ниво на шеќер може сериозно да се промени доколку консумираат банани секој ден.
