Полуфиналниот натпревар на Ролан Гарос помеѓу Марин Чилиќ и Каспер Руд беше прекинат поради интервенција на еко активистка на средината од третиот сет, при водство на Норвежанецот и откако секој играч освои по еден сет.
Во 15:15 часот активистката ја прескокна оградата и истрча кон мрежата, а потоа се врза за мрежата во близина на столбот, по што натпреварот беше прекинат.
Чилиќ и Руд најпрвин се повлекоа во сопствениот агол од теренот, а откако обезбедувањето излезе на теренот, тенисерите заминаа во соблекувалната.
Девојката носеше бела маица со мистериозна порака на англиски јазик „Имаме уште 1028 дена“.
Девојката околу вратот носеше метално ланче кое го врза за мрежата со метална жица, но обезбедувањето набрзо ја отстрани од теренот. Натпреварот продолжи по пауза од 15 минути и триминутно загревање на тенисерите.
На маицата девојката имаше испишано и адреса на веб-страница која се занимава со климатски промени.
„Влегов на терен затоа што повеќе не можам да ризикувам и да не правам ништо за климатските промени промени“, беше нејзината изјава по протестниот потег.
