Свежиот зеленчук, дали тазе набран од бавча, купен од пазар или од маркет, бара добро миење пред да го употребиме при готвење или да го јадеме како салата. Миењето на зеленчукот во вода има предности, но и недостатоци.
Дали милувате зеленчукот да го миете под млаз вода или го потопувате со сад со вода? Има разлика, а не секој зеленчук ги сака двата начина.
Една од главните причини за потопувањето на свежиот зеленчук е за да биде колку што е можно почист. Хербициди, прљавштини и разни други нечистотии може да се задржат на него, дури и ако не ги гледате. Универзитетот во Минесота препорачува зеленчукот да го миете под млаз вода. Меѓутоа, во некои случаи тврдокорните прљавштини бараат да го потопите во вода за да се исчисти секое делче.
Некои зеленчуци омекнуваат или овенуваат пред да ги консумираме. Топлите летни температури прават тоа да биде вообичаена појава кај некој зеленчук, особено оној лиснастиот. Потопувањето а зеленчукот во вода може да помогне истиот да се врати во живот и да биде повкусен, а доколку тоа го направите и пред складирањето може да помогне за подолго да трае во фрижидер.
Една од причините за загриженост при миењето под млаз е губитокот на хранливите материи. Витамините се раствораат во вода и може да се исфрлат при складирањето и подготовката. Витаминот Ц и оние од групата витамини Б се растворливи во вода, а додека губењето на хранливи материи може да биде минималено при миењето под млаз на свеж зеленчук, потопувањето навистина ќе ја намали количината на овие есенцијални витамини.
Миењето зеленчук под млаз вода значи дека тоа ќе впие одредена количина вода. Во некои случаи, како што е тоа случај со лукот, тоа навистина може да го засили неговиот вкус. Меѓутоа, во други случаи, како кај печурките, миењето под м,лаз го разредува нивниот вкус.
Општо земено, миењето со потопување на лиснаст зеленчук и лут зеленчук не прави проблеми, како што е случај со зелената салата и лукот, или пак зеленчукот со дебела кора, како што е зимската тиква. Порозниот зеленчук, како целер, излупените моркови и печурките, треба да се мијат под млаз вода без да се потопуваат.