Елон Маск стана најбогатиот човек во светот бидејќи неговото богатство ја надмина сумата од 185 милијарди долари, со штo се најде пред Џеф Безос на листата милијардери во светот, пренесе Bloomberg.
Директорот на Tesla и SpaceX се најде на врвот на листата на светски милијардери откако порасна вредноста на акциите на Tesla. Маск со тоа ја презеде титулата на најбогат човек во светот, која уште од 2017 година му припаѓаше на Џеф Безос.
Компанијата на Маск за производство за електрични автомобили доживеа голем раст во 2020 година, а оваа недела за првпат достигна пазарна вредност од 700 милијарди долари.
Тоа ја прави Tesla повредна од Toyota, Volkswagen, Hyundai, GM и Ford заедно.
Акциите на Tesla пораснаа девет пати оваа година, подигнувајќи ја пазарната вредност на електричните автомобили од 76 милијарди долари на почетокот на годината на 669 милијарди на крајот на 2020 година.
И покрај затворањето на фабриката на почетокот на пандемијата, компанијата испорача рекорден број возила во третиот квартал од 2020 година.
