Британската актерка Емилија Кларк е најпозната по улогата во фантастичната серија „Game of Thrones“.
Актерскиот ангажман траеше од 2011 до 2019 година, поточно 62 епизоди во кои таа ја глумеше Денерис Таргариен. Улогата во популарната серија ѝ донесе заслужена слава, но со толку големи актерски ангажмани понекогаш доаѓаат и предизвици кои не се едноставни.
Актерката влезе во серијата на 23-годишна возраст, по школувањето за глума, а на толку млада возраст ѝ беше поставен големиот предизвик да игра еден од најпознатите ликови во целата серија.
Признала дека била преплашена од секс сцените бидејќи не знаела што да прави. Никогаш претходно не била на голем филмски сет, а барањето да се соблече гола пред сите членови на екипажот, но и пред публиката, ѝ било особено тешко.
„Никогаш не сум била на ваков филмски сет, а потоа се најдов на филмски сет целосно гола опкружена со сите овие луѓе и не знаев што треба да правам, што се очекува од мене. Не знаев што сакаат тие, а не што сакам јас“, рече актерката.
Исто така, таа призна дека не знаела дека ќе биде гола пред да ја прифати улогата.
Таа го спомна и актерот Џејсон Момоа, со кој беше во експлицитна сцена кога Кал Дрого ја силува Денерис Таргариен. Таа нагласи колку актерот бил нежен и професионален кон неа како млада, неподготвена актерка и дека неговата заштита многу ѝ помогнала за време на снимањето.
„Тој плачеше повеќе од мене. Дури сега сфатив колку имав среќа со тоа бидејќи можеше да помине на толку многу, многу, многу различни начини“, рече таа, откривајќи дека Момоа бил многу љубезен и внимателен и се грижел за неа.
