Данскиот фудбалер Кристијан Ериксен откри интересни детали за срцевиот удар што го доживеа за време на Европското првенство.
Ериксен, кој го шокира светот откако му се слоши во текот на натпреварот меѓу Данска и Финска на Европското првенство, во разговор за данската телевизија DR1 откри интересни детали за срцевиот удар, но и дека е пресреќен за поддршката што ја има од сите страни.
„Беше неверојатно толку луѓе да почувствуваат потреба да ми пишат и испратат цвеќиња. Сето тоа што се случи остави голем впечаток на многу луѓе кои ми дадоа поддршка мене и на моето семејство и тоа многу ме усреќи. Во болница ми зборуваа дека ќе добијат уште повеќе цвеќиња“, изјави Ериксен.
Данецот порача дека бил мртов пет минути, а уште добива поддршка од луѓето, како и подароци и убави желби.
„Ми беше многу чудно бидејќи не очекував толку луѓе да ми испратат цвеќе. Бев мртов 5 минути. ми беше многу необично, но и убаво чувството што видов колку многу луѓе ми посакуваат убави желби, тоа многу ми помогна. Луѓето и понатаму ми пишуваат“, изјави тој.
