Испраќајте HD слики и датотеки до 100 MB, креирајте споделени албуми и споделувајте QR кодови со нови пријатели.
Facebook Messenger штотуку доби голема надградба. Една од најпопуларните апликации за пораки во светот е надградена со четири целосно нови и многу корисни функции, кои се веднаш достапни за сите корисници.
Ајде да видиме што претстави компанијата Meta и како можете да ги искористите во секојдневната комуникација со пријателите и семејството.
Првата нова функција е HD слики. Сè што треба да направите е да ја означите опцијата „HD“ над понудените слики при испраќање - и тоа е сè. Доколку сакате да испраќате подетални фотографии со поголема резолуција, ова е вистинската функција за вас.
Ако не сте сигурни дали сте ја „штиклирале“ опцијата HD, секоја испратена HD слика ќе ја има таа кратенка во горниот десен агол.
Компанијата Meta ја направи оваа опција достапна во апликацијата WhatsApp уште во август минатата година, па иако чекавме, одлично е што конечно можеме да ја видиме во Messenger.
Ако имате групен разговор со пријателите и семејството, ќе ви биде многу корисна функцијата „заеднички албуми“. Едноставно изберете повеќе слики при прикачување, а потоа допрете ја опцијата за создавање нов албум. Сите членови на групата потоа ќе можат да гледаат, додаваат, бришат или отстрануваат слики и видеа од споделениот албум.
Многу корисно ако неколку луѓе фотографирале прослава, настан или заедничко патување.
Ако сте направиле ново познанство и сакате да продолжите со комуникацијата на Facebook Messenger, сега можете да се поврзете со скенирање на уникатниот QR код достапен во менито за поставки.
Овој додаток ќе ви биде од голема корист доколку вашиот нов познаник е странец или ако вашето име е многу често и тешко е да ве пронајдат со едноставно пребарување.
Последна, но не помалку корисна функција е испраќање фајлови со големина до 100 MB. Поддржани се сите големи формати, така што повеќе не треба да се потпирате на различни сајтови или клиенти за е-пошта за да испраќате големи фајлови - направете го тоа директно во Facebook Messenger.
