За првпат во 18-годишната историја, Facebook изгуби секојдневни корисници на социјалната мрежa, извести пред неколку дека матичната компанија Meta.
Тримесечниот извештај кон крајот на 2021 година откри дека растот на компанијата стагнира низ делови на светот. Бројот на корисници секојдневно опаѓа, а прашањето е зошто тоа се случува?
Извршниот директор Марк Закерберг падот го припиша на брзо растечката конкуренција како TikTok платформата која е омилена меѓу младите. Во ретко директно укажување на конкуренцијата, Закерберг ја нагласи заканата со која Meta се соочува поради растот на видеоплатформите како што се TikTok и YouTube, додека луѓето повеќе сакаат да гледаат кратки видеа на интернет.
Губењето корисници е најголемо во Африка, Латинска Америка и Индија, што сугерира дека е дојдено до заситување од Facebook на глобално ниво. Закерберг истакна дека Facebook не морал да се соочи со главниот ривал во текот на претходните промени на стратегија, опишувајќи ја ситуацијата како уникатна, пишува Forbes.
„TikTok стана голем конкурент и исто така продолжува да расте со прилично голема брзина“, вели Закерберг.
Тој соопшти дека Meta вложува во развој на сопствен краток видеопризвод, Reels, за да се натпреварува со TikTok.
А, TikTok е толку популарен што го симна Google од врвот како најпопуларен интерент домен, според Cloudflare. Facebook е на трето место. Само година претходно, TikTok беше на седмото место. Популарнсота на апликацијата порасна и откако поранешниот американски претседател Доналд Трамп се обиде да ја забрани во САД,
Администрацијата на Трамп тврдеше дека TikTok претставива ризик за националната безбедност бидејќи кинеската владат има пристап до податоците на корисниците. Од TikTok многупати ги негираа обвинувањата.
Но, тоа не е единствената мака на Закеребрг. Опадна и заработувачката во последните три месеци на 2021 година. Рекламирањето и понатаму е примарен извор на приходи и така изгледа ќе остане и во иднина.
Историскиот пад на акциите на Facebook избриша повеќе од 230 милијарди долари од пазарната вредноsт на компанијата за само еден ден, што е најголемиот еднодневен губиток во историјата за една американска компанија. Падот на акциите доведе и до пад на личното богатство на Марк Закерберк за скоро 30 милијарди долари.
Иако е можно Facebook да продолжи со раст во некој облик во иднина, тримесечниот пад на најпопуларната социјална мрежа е знак дека сонот на Закерберг да го поврзе светот можеби нема целосно да биде исполнет, барем не во облик каков што тој некогаш го замислувал, пишува Washington Post.
Крајот на ерата на растот на Facebook означува пресвртница во историјата на социјалните мрежи и интернетот.
