Извонредните два гола на Меси во дуелот со Далас го обиколија светот, но сега сѐ попопуларно станува видеото од пресметката помеѓу четворица навивачи пред стадионот.
Интер Мајами го елиминираше тимот на Далас од Лигс купот за екипи од САД и Мексико и се пласираше во четвртфиналето. Не беше лесно, иако Интер поведе со голот на Меси, бидејќи потоа Далас направи целосен пресврт и на двапати водеше со два разлика - 3:1 и 4:2, за Меси со мајсторија од слободен удар да израмни на 4:4. Потоа тимот од Мајами славеше на пенали.
Натпреварот имал и трето полувреме и тоа пред стадионот „Тојота“ во Фриско, предградие на огромниот Далас. Двајца навивачи на домашниот тим влегле во тепачка со навивач и навивачка на Интер Мајами. Навивачот е очигледно голем фан на Меси, бидејќи се тепаше носејќи негов дрес од репрезентацијата на Аргентина. Според некои извори, девојката што се тепа од негова страна е и негова сопруга.
Како и зошто дошло до тепачката, не се знае, но сопружниците излегле како победници.
