Ferrari го претстави новиот модел BR20 кој е базиран на моделот GTC4 Lusso.
BR20 е инспириран од моделите на Ferrari од 50-тите и 60-тите години од минатиот век, а го красат некои карактеристики кои наликуваат на моделите 410 Superamerica и 500 Superfast.
Автомобилот е дизајниран како уникатен проект за еден посебен клиент, базиран е на платформата GTC4 Lusso кој неодамна престана да се произведува.
Напред е редизајнираната и проширена предна маска која содржи уникатни елементи. Светлата се исто така модифицирани, а уникатни се и 20-инчните фелни.
Не се објавени детали за перформансите, но се знае дека автомобилот го задржа 6,2-литарскиот V12 мотор и погон на сите четири тркала кој го има и GTC4 Lusso. Во тој модел моторот развива 690 КС.
Ваквите проекти ѝ донесоа многу пари на оваа компанијата, а листата на чекање е толку долга што купувачите чекаат по 5 години.
