Управното тело на светскиот фудбал (ФИФА) објави скратена листа од 14 имиња кои конкурираат за наградата Најдобар фудбалер во светот за 2022 година.
Списокот денеска го објави ФИФА, а гласањето започна веднаш и ќе трае до 3 февруари, пред да биде прогласен победникот на церемонијата на The Best FIFA Football Awards.
На чело на листата е Лионел Меси, кој минатиот месец со Аргентина го освои Светското првенство во Катар. Заедно со Меси има уште еден негов соиграч од репрезентацијата на Аргентина.
Токму овој негов соиграч е апсолутно изненадување на оваа ФИФА листа. Станува збор за Хулиан Алварес, кој се бори за минутажа во својот Манчестер Сити и ретко има можност да игра, иако неговото време допрва доаѓа и јасно е дека се работи за извонреден талент.
Многумина очекуваат Меси да ја освои оваа престижна награда, но тоа не е сосема сигурно, бидејќи наградата се доделува за настапи меѓу август 2021 и декември 2022 година.
Овој 16-месечен период ја вклучува првата сезона на Меси во Пари Сен-Жермен, која во најмала рака беше неубедлива - постигна само 6 гола.
Останатите имиња се горе-долу очекувани. Меѓу 14-те најдобри играчи во светот се четворица од ПСЖ, тројца од Реал Мадрид, тројца од Манчестер Сити, а по еден од Баерн, Барселона, Борусија и Ливерпул.
Хулиан Алварес (Аргентина / Ривер Плејт / Манчестер Сити)
Џуд Белингем (Англија / Борусија Д.)
Карим Бензема (Франција / Реал Мадрид)
Кевин Де Брујнe (Белгија / Манчестер Сити)
Ерлинг Хoланд (Норвешка / Борусија Д. / Манчестер Сити)
Ашраф Хакими (Мароко / Пари Сен-Жермен)
Роберт Левандовски (Полска / Баерн / Барселона)
Садио Мане (Сенегал / Ливерпул / Баерн)
Килјан Мбапе (Франција / Пари Сен-Жермен)
Лионел Меси (Аргентина / Пари Сен-Жермен)
Лука Модриќ (Хрватска / Реал Мадрид)
Нејмар (Бразил / Пари Сен-Жермен)
Мохамед Салах (Египет / Ливерпул)
Винисиус Жуниор (Бразил / Реал Мадрид)
Карло Анчелоти (Реал Мадрид)
Дидје Дешан (Франција)
Пеп Гуардиола (Манчестер Сити)
Валид Реграги (Видад / Мароко)
Лионел Скалони (Аргентина)
Гласањето онлајн можете да го направите со клик тука.