Турција нема апсолутно никаква намера да се откаже од организирањето на големото финале во Лигата на шампионите. Федерацијата е категорична дека Истанбул ќе биде домаќин, како што е и по план.
Претседателот на ТФФ, Нихат Оздемир, тврди дека и покрај кризата со коромавирусот неговата земја нема намера да се откаже од финалето кое по втор пат треба да се игра во Истанбул.
„Со Божја волја, ќе ја завршиме нашата лига на крајот од јули. Ќе го предадеме пехарот од купот долу на теренот и потоа ќе ставиме крај на сезоната со организацијата на финале од Лигата на шампиони на УЕФА во август“, изјави Оздемир за турските медиуми.
Според планот на ТФФ, сезоната во Турција треба да продолжи на 12 јуни, а да заврши на 26 јули. Календарот вклучува 7 кола преку викенд и едно среде недела. Клубовите натпреварите ќе ги играат на своите стадиони откако Оздемир ја исклучи можноста сезоната да се доигра во еден град.
Стадионот „Ататурк“ во Истанбул требаше финалето да го организира на 30 мај, но поради добропознатите причини, беше одложено. Новие датум не е официјализиран, но УЕФА се надева тоа да биде на почетокот од август.
Претходно „Ататурк“ беше домаќин во 2005 година на незаборавното финале помеѓу Ливерпул и Милан кога Англичаните имаа водство од 3:0, Италијанците успеаја да израмнат и на крајот да победат на пенали.