Тајсон Фјури им даде рок од 7 дена на заинтересираните промотори за собирање пари за неговата борба против Олександр Усик, со цел обединување на најважните титули во боксот.
Во саботата, Усик го победи Ентони Џошуа и ги задржа сите појаси во WBA, IBF и WBO организациите, кои заедно со WBC ги прават „петте величенствени“.
Уште од 2000 година ниту еден боксер ги има сите пет појаси заедно, а обожавателите на боксот посакуваат тоа да се случи токму сега, односно во ринг да влезат Фјури и Усик.
Фјури по победата во април против Дилиан Вајт, со која ја задржа титулата за WBC, порача дека заминува во пензија. Но, изгледа дека е подготвен да ја промени одлуката.
Заинтересираните за организација на борба меѓу 34-годишниот Британец и 35-годишниот Украинец мора да побрзаат со понуда, бидејќи Фјури даде рок од 7 дена да се соберат парите потребни за настанот. Станува збор за 500 милиони фунти.
Поголем дел од тие пари Фјури и Усик ќе ги поделат меѓу себе, додека останатите би биле потрошени за спектакуларна организација на настанот.
„Им порачувам на сите кои сакаат да организираат борба дека им давам цели 7 дена, до 1 септември, да соберат пари. Ако не го направат тоа, сепак им се заблагодарувам, беше чудесно. Јас сум во пензија. Сите понуди мора да бидат испратени до мојот адвокат во писмена форма и со докази, па нека почнат игрите“, соопшти Фјури.
