Познатиот боксер во тешка категорија, Тајсон Фјури, инвестираше во својот локален клуб Моркамб (Morecambe) и ќе биде негов спонзор следнава сезона.
Фјури (33) е роден во Манчестер, но поголемиот дел од животот и целата боксерска кариера ја помина во Моркамб, па оттаму и е негов матичен фудбалски клуб и е познат по тоа што навива за популарните „Шримпс“ (ракчиња) веќе некое време.
Сега тој конечно склучи партнерство со Моркамб, а клубот и официјално на својата веб-страница потврди дека Фјури ќе го финансира тимот следната сезона.
Од клубот додаваат дека дополнително ќе биде објавено соопштение со можно продолжување на партнерството. Познатиот боксер најави големи работи.
„Голема најава. Џипси Кинг (Gypsy King) штотуку стана спонзор на мојот локален клуб Моркамб. Ќе имаме фантастична сезона и ќе ја размрдаме. Ајде момци и девојки“, порача Фјури.
На опремата на Моркамб ќе биде испишано името на фјуриевиот бренд Gypsy King. Инаку, Моркамб е професионален клуб кој се натпреварува во Лиг 1, односно третата лига во Англија, но со Фјури цели кон промоција во Чемпионшип. Формиран во 1920 година. Настапува на „Мазума“ стадионот кој е со капацитет е 6.476 гледачи од кое само 2.247 можат да седат на столче. Играњето во Лиг 1 е за нив најголемото остварување во историјата.