Претседателот на Реал Мадрид, Флорентино Перес, ќе се повлече од функцијата во 2025 година.
Според шпанскиот новинар Чиро Лопез првиот човек на „кралскиот клуб“ смета дека завршувањето на реконструкцијата на стадионот „Сантијаго Бернабеу“ е негова последна голема должност кон клубот.
Перес првпат го презеде Реал Мадрид во јули 2000 година. Во февруари 2006 година, тој поднесе оставка. По втор пат стана претседател на „кралевите“ во 2009 година и оттогаш е на функцијата.
Реал Мадрид се наоѓа на второто место во Ла Лига со 38 бодови од 16 кола. Мадридскиот клуб заостанува три бода зад лидерот во првенството – Барселона.
