Двете победи над Ерменија и Исланд ѝ донесоа на Македонија скок до 67. место на ноемвриската ранг-листа на ФИФА.
Со 24,04 поени повеќе од октомвриското рангирање, кога беше на 74. место, македонската фудбалска репрезентација денес се најде на 67. место правејќи скок од цели 7 места.
За тоа секако се заслужни победата од 5:0 на гости кај Ерменија и онаа од 3:1 дома против Исланд.
Рачунајќи ги само европските репрезентации, Македонија е на 34. место. На Балканот, ги минавме Бугарија и Црна Гора и сега сме 9-ти, малку зад Словенија и Албанија пред кои бевме пред Европското првенство.
На светскиот врв нема промени во топ 3, но затоа Аргентина влезе во топ 5 на сметка на Италија. Меѓу најдпбрите 10 се најде Холандија благодарение на падот на Мексико кој загуби дури 34,16 поени паѓаше до 14-тото место.