Победата над слабиот Лихтенштајн и поразот од велесилата Германија не донесоа промени за македонската фудбалска репрезентација на најновата ранг-листа на ФИФА.
Откако минатиот месец паднавме на 74. место, овој месец не успеавме да го подобриме пласманот, но за среќа и не назадувавме - Македонија остана во место.
Го победивме Лихтенштајн со убедливи 4:0, но победата над една од најслабите европски репрезентации не вреди многу. Згора на тоа, убедливиот пораз од Германија со идентични 4:0 направи да загубиме 2,28 бода.
Пласманот околу Македонија:
- 69. Панама 1354
- 70. Бугарија 1350
- 71. ОАЕ 1349
- 72. Ирак 1346
- 73. Црна Гора 1346
- 74. Македонија 1343
- 75. Кина 1334
- 76. Зелен 'Рт 1327
- 77. Оман 1314
- 78. Боливија 1309
- 79. Гвинеја 1309
- 80. Израел 1305
На самиот врв нема промени каде лидер и натаму е Белгија, а Бразил успеа малку да ја намали разликата. На третото место се проби Франција.
