Македонската женска фудбалска репрезентација месецов ќе учествува на меѓународен пријателски турнир што ќе се одржи во Аланија, Турција.
На турнирот Туркиш Куп 2023 требаше да учествуваат 12 репрезентации, но домаќинот заедно со Венецуела и Јордан го откажаа своето учество поради настаните со земјотресот во Турција.
Македонската репрезентација беше извлечена во групата Б заедно со Бугарија, Косово, Естонија, Хонгконг и Јордан.
Фудбалерките веќе некој ден како се во Аланија, а синоќа одиграа и пријателски натпревар воочи турнирот и загубија со минимални 1:0 од Замбија со гол примен во третата минута од судиското надополнување.
Првиот предизвик е в сабота против Бугарија, а во вторник следува доел со Естонија.
Синоќа во нашата група Бугарија со 2:0 го совлада Хонгконг, додека Косово со 2:1 беше подобар од Естонија.
Селекторот Кирил Изов се одлучи да ги повика следниве фудбалерки:
Голмани: Викторија Панчурова, Лина Самарџиевска, Теа Драганова;
Одбрана: Даниела Велеска, Елена Панеска, Павлинка Николовска, Христина Јошевска, Елена Петровска, Ана Милчевска, Александра Јовановска;
Средина: Теа Божиновска, Наташа Андонова, Елма Шемсовиќ, Ленче Андреевска, Мила Талевска, Александра Марковска, Хава Мустафа;
Напад: Гентијана Рочи, Бојана Петкова, Јилза Максути, Радица Чонева, Кристина Петрушевска, Јулија Живиќ.