Генералот и командант на естонските одбранбени сили Мартин Херем тврди дека НАТО сериозно ја потцени Русија во еден поглед.
Во интервју за Bloomberg, тој посочи дека новите разузнавачки информации откриле дека НАТО значително ја потценил способноста на Русија да ги надополни своите вооружени сили со персонал и муниција.
Спротивно на претходните предвидувања, Русија сега може да произведува неколку милиони артилериски гранати годишно и да регрутира стотици илјади војници, рече Херем.
Многумина мислеа дека не можат, но денес фактите ни кажуваат поинаку. Тие можат да произведат уште повеќе, многу повеќе муниција“.
Министерството за одбрана на Обединетото Кралство претходно процени дека на Русија може да ѝ бидат потребни до 10 години за да ја надополни својата војска. Но, тој наратив се промени во последните месеци, а воените команданти, аналитичари и претставници на НАТО предупредуваат на растечките капацитети на Русија, пишува Business Insider.
Кристофер Каволи, командант на американската европска команда, во април изјави дека и покрај значителните загуби во Украина, руските копнени сили биле поголеми отколку кога ја нападнале Украина.
Неодамна генералниот секретар на НАТО Јенс Столтенберг изјави дека војната во Украина стана „битка на муниција“ и ги повика западните сојузници да ѝ помогнат на Украина да ги надополни своите резерви.
Украинскиот претседател Володимир Зеленски, исто така, на форумот во Давос рече дека отсуството на помош од Западот ќе резултира со „многу голем“ недостаток на ракети за противвоздушна одбрана, недостаток на артилерија и голем број мртви и ранети.
„Украина ќе се мачи, ќе биде послаба и тоа ќе биде прилика за Русија да нè нападне.“