Од оваа недела гледачите на Netflix можат да го гледаат документарецот „Our Father“ за Доналд Клајн, врвен доктор кој од 1979 година во Индијанаполис им помагал на паровите кои не можеле да имаат деца, така што во третманите користел своја сперма.
Документарецот ги следи животите на биолошките деца на докторот кој со децении вршел потпомогнато оплодување без согласност за тоа ноджените кои му доаѓаале во ординација по помош за сопствено потомство.
Неговите злосторства се откриени кога Џејкоба Балард напрaвила ДНК тест и открила дека има седум полубраќа и полусестри. Оттогаш, се наведува во документарецот, Балард открила дека всушност ги има повеќе од 90.
The Atlantic пишува дека на Клајн никогаш не му се судело за силување ниту за каква друга криминална активност, како измама. Единствена последица што ја претпрпел се казна од 500 долари и губење на лекарската лиценца.
Луис Џордан, режисерка на документарецот, за Guardian вели дека Клајн и понатаму е активен член на заедницата и не покажува каење за неговите дела.
Луѓето кои го гледале документарецот на Twitter оставија лични мислења кои покажуваат колку се згрозени и шокирани од овој настан.
„Го гледам „Our Father“ на Netflix и сум згрозена. Ми се крши срцето кога гледам како овие сироти жени се измамени од некој во кој имале целосна доверба за нешто толку свето во животот. Колку болно е тоа“, гласи еден од коментарите.
„Само што го изгледав документарецот „Our Father“ на Netflix и не можам да поверувам колку лудо е ова. Ме боли срцето за сите оние мајки измамени од овој нарцис. И поради браќата и сестрите на кои светот им се урна наопаку“, напиша друга гледачка.