По синоќешниот триумф на Австралија опен српскиот тенисер Новак Ѓоковиќ се врати на врвот на АТП ранг-листата, а на истата најдобриот македонски тенисер Калин Ивановски оствари скок од 9 места и сега е на 534. место.
Триумфот на првиот Грен слен во годината на Ѓоковиќ му донесе 2.000 поени со што сега има собрано 7.070, па изби пред Шпанецот Карлос Алкарас, кој е втор со 6.730. Трет е Гркот Стефанос Циципас.
АТП Топ 5:
- Новак Ѓоковиќ (Србија) 7.070
- Карлос Алкарас (Шпанија) 6.730
- Стефанос Циципас (Грција) 6.195
- Каспер Руд (Норвешка) 5.765
- Андреј Рубљов (Русија) 4.200
- Рафаел Надал (Шпанија) 3.815
- Феликс Оже-Алјасим (Канада) 3.715
- Тејлор Фриц (САД) 3.410
- Холгер Руне (Данска) 3.046
- Хуберт Хуркач (Полска) 2.995
Најдобриот македонски тенисер и голема наша надеж во овој спорт, 18-годишниот Калин Ивановски, направи скок од 9 места и сега со 64 поени е на 534. место. Тој е единствен македонски тенисер рангиран во првите 1.000 на АТП ранг-листата.
Калин синоќа играше финале на фјучрс турнирот во Монастир, Тунис каде по голема борба загуби од домашниот тенисер Моез Ешарги со 3-6, 6-3 и 6-7 губејќи го решавачкиот сет по тајбрејк. На патот до финалето Ивановски ги совлада Лукас Павлович (2:0, Словачка), Адам Мундир (2:1, Мароко), Себастиан Соргер (2:0, Австрија) и Гркот Стефанос Сакелкаридис кој по водство на Калин од 1:0 го предаде мечот поради повреда.
