Иако со месеци е достапна за корисниците на iPhone, социјалната мрежа на Доналд Трам сега доби одобрение од Google и стана достапна за Android уредите, пишува TechCrunch.
Truth Social, социјалната мрежа на поранешниот американски претседател Доналд Трамп, доби одобрение од Google. Апликацијата стана достапна за Android, а многу брзо потоа и во Play Store.
Претходно во август Google одлучи да ја блокира мрежата откако открија низа објави кои ги кршат нивните правила, вклучително и содржини со физички закани и поттик за насилство. Truth Social никогаш официјално не беше забранета во Play Store иако се чекаше на одобренија додека не се воведат одредени промени.
Од Google велат дека сопствениците на Truth Social се согласиле да воведат правила против некои видови содржини, меѓу кои и оние кои поттикнуваат насилство.
Не се знае како ќе се контролира говорот на омраза на апликацијата, бидејќи и самата социјална мрежа нема правила поврзани со говор за омраза додека Google строго забранува содржини кои поттикнуваат омраза.
