Корисниците на Android наскоро ќе можат да ги гледаат временските услови на местата што ги набљудуваат на картите.
Google Maps за iOS има функција која не е достапна на Android верзијата на апликацијата. Веќе четири години, корисниците на iPhone можат да ги видат временските услови на местото што го гледаат на мапите, а наскоро оваа функција ќе дојде и кај телефоните со Android.
Не е јасно зошто на Google му требаше толку време да го донесе овој едноставен додаток во сопствениот оперативен систем, но како што пренесува Telegram групата Google News, корисниците на Android верзијата на апликацијата наскоро ќе видат „пилула“ под полето за пребарување, што живо ги прикажува температурата и временските услови.
Оваа функција е само информативна за iOS верзијата, а кога ќе пристигне на Android, ќе биде интерактивна. Тоа значи дека корисниците ќе можат да го допрат, по што ќе имаат на располагање детален приказ кој ги вклучува температурата, условите, квалитетот на воздухот и прогнозата за следните неколку часа.
Оваа промена доаѓа откако Google го редизајнираше интерфејсот за временска прогноза, кој беше ексклузивно достапен само на телефоните Pixel Fold, а сега и на сите уреди.
