Женева е градот во кој работниците ќе имаат највисока минимална плата во светот. Со септемврискиот референдум одлучено е минималната плата да изнесува повеќе од 3.500 евра.
И додека минималната плата од 3.500 евра звучи многу, за многумина кои живеат во Женева не е така.
„Киријата за само една соба месечно изнесува скоро 1.000 евра. Ако може да преживеете со 500 евра за храна во текот на месецот, тогаш сте добар менаџер. Здравственото осигурување месечно чини 550 евра по човек. Ако имате семејство во кое има две деца, тогаш едвај спојувате крај со крај“, вели Чарли Хернандес од добротворната организација Colis du Coeur, која дава огромни количини намирници на луѓето кои имаат потреба од помош, претежно мајки со деца.
Предлогот за минимална плата го поддржаа 58 проценти од гласачите. Одлуката на граѓаните на референдумот е конечна и задолжителна, пренесе BBC.
Швајцарија е многу богата земја, а Женева е дом за повеќе од милион жители, еден од најбогатите градови во земјата. Станува збор за развиен банкарски сектор, седиште на низа меѓународни институции, дом на богати аукциски куќи. Според процентите на швајцарскиот Федерален завод за статистика, бруто-домашниот производ во кантонот изнесува околу 93.000 евра.
Отсега ќе биде воведен и најголемиот минималец во светот, најмалата дневница од час за работник ќе изнесува минимални 21 евро. Тоа значи дека минималната плата со полно работно време би била околу 3.736 евра.