Американската психоаналитичарка Ерика Комисар ја откри грешката што најчесто ја прават родителите, а тоа е „формулата за неуспех“.
„Забележав зголемен број деца што на рана возраст страдаат од анксиозност и депресија и почнав да ги читам сите истражувања што можев да ги најдам на оваа тема“, изјави таа за списанието Columbia.
Се разбира, родителите го сакаат само најдоброто за своите деца, но од добра намера понекогаш претеруваат во некои работи.
„Некои родители ги тераат своите деца да имаат само најдобри оценки. Не можам да ви кажам колку родители ми ги носат децата само затоа што не ги добиле најдобрите оценки. Тие се сигурни дека нешто не е во ред“, продолжи таа.
Како „формула за пропаст“ на децата, таа изјави дека родителите и училиштата претпоставуваат дека децата мора да бидат најдобри во сè. Таа ги советуваше повнимателно да размислат колку тоа психолошки влијае на најмалите бидејќи постојано се принудени да се натпреваруваат со своите врсници.
„Како го дефинирате успехот во животот на вашето дете? Зарем тоа не треба да значи тие да се среќни и ментално стабилни?“, праша таа.
Нонатаму наведе дека треба да им помогнеме на децата да ги запознаат своите вештини, но и да ги прифатат нивните ограничувања.
„Тоа е важно за самопочит и ограничување на моќта на егото, што е основа за издржливост во животот“, објасни таа.