Манчестер Сити со победата над Интер во финалето на Лигата на шампионите во Истанбул, за прв пат во клупската историја се искачи на покривот на Европа.
Еден од јунаците на „Граѓаните“ секако е Џек Грилиш. И покрај тоа што не учествуваше директно во голот во финалето, на теренот мина 90 минути и одигра солидна партија.
На крајот од мечот имаше различни реакции на теренот, а еден од оние што пукнаа во солзи беше токму Грилиш:
„Ова е она за што работиш цел живот. Многу сум среќен. Играв очајно, но не ми е гајле. Да се освои триплета со оваа група играчи е многу посебно", изјави Грилиш, а потоа продолжи:
„Сите кои ме познаваат знаат колку го сакам фудбалот и дека ова е нешто за што работам цел живот. Кога го видов семејството во толпата бев многу емотивен. Му реков на тренерот (Пеп Гуардиола): 'Сакам да ти се заблагодарам'. Толку многу верба вложи во мене. Тој е генијалец!“, подвлече Грилиш.