Францускиот напаѓач смета нека неговата Браселона не заслужила да биде елиминирана уште во осминафиналето од Лигата на шампионите.
Барселона синоќа во Париз не успеа да ја надополни големата негатива од поразот со 1:4 во првиот натпревар на домашен терен. Одигра 1:1, промаши пенал и прерано се збогува од натпреварувањето во кое секогаш стигнуваше далеку.
„Не заслужуваме толку рано да излеземе од Лигата на шампионите, ниту пак заслужија нашите навивачи, но тоа е тоа“, вели Гризман говорејќи за Movistar.
„Не знаевме како да се браниме. Лео постигна неверојатен гол, потоа тука беше пеналот, но Навас беше едноставно фантастичен. Одигравме добар натпревар, особено во првото полувреме“.
„Можеме само да жалиме за пропуштеното. Штета, но тоа е тоа, ова е фудбал, ова е Лига на шампиони“, додава тој.
„Го имаме Меси, имаме посед на топка, знаевме дека ќе имаме шанси за гол, но не знаевме како да ги искористиме. Има уште многу до крајот на сезоната“.
Барселона останува во игра за титулата во Ла Лига, а ќе игра и финале во Копа дел Реј против баскиски Атлетик во април.
