Францускиот напаѓач Антоан Гризман се збогува со фановите на Барселона.
Францускиот фудбалер се пресели од Барселона во Атлетико на последниот ден од летниот преоден рок. Мадридскиот клуб го изнајми 30-годишниот Французин до крајот на сезоната 2021/22 за 40 милиони евра, со опција за продолжување на договорот за уште една година, како и опција за откуп.
Ова значи дека Барселона изгуби неверојатни 80 милиони евра.
Гризман напиша дека е горд што бил дел од клуб како што е Барселона.
„Драги навивачи. Се збогувам со вас и ви благодарам за вашата љубов. Дадов сè што можев за Барселона и станав дел од историјата на овој голем клуб. Заминувам со тага што повеќе нема да можам да уживам во вашето присуство на трибините, но горд сум што бев еден од вас“, напиша Гризман на Twitter.
