Сме слушнале за многу необични зборови, но еден збор во грузискиот јазик со едвај една самогласна е веројатно најчудниот што постои.
Сигурно не сте слушнале за зборот გვფრცქვნი. Всушност, ова не ни можете да го прочитате бидејќи ви личи како да е напишано со некој вонземски јазик. Всушност, ова е напишано со грузиската азбука, а неговата латинична верзија е gvprtskvni. Е сега, ако го претвориме на кирилица, според изговорот ќе биде гвпрцквни.
Да, гвпрцквни! Сега пробајте да го изговорите: гв-прц-кв-ни. Верувале или не, овој збор има само една самогласна и тоа на самиот крај - и. Заради тоа овој збор има неприродно делење на слогови.
Ако мислевте дека нашиот збор смрт кој има 4 согласки и каде буквата р глуми самогласка - е чуден, помислете двапати.
Што значи гвпрцквни? Се работи за второ лице еднина од глаголот лупи во сегашно време кој се обраќа кон прво лице множина. Не би се осудиле да му дадеме соодветен превод на македонски.
Грузискиот јазик е полн со вакви зборови кои главно се базираат на комбинации од согласки. Но, гвпрцквни со дури 8 согласки се истакнува како збор со најмногу согласки.
Не сите зборови во грузискиот јазик, иако некои се составени само од согалски, се тешки и необично,. Добро, необично - да. На пример, глаголите бега и пече се рб и цх. Едноставно, нели? Сепак не, бидејќи кога ќе дојде ред да ги комбинирате, доаѓа кошмар. Не бадијала грузискиот јазик важи за еден од најтешкуте за учење.