Кога беше објавено дека ќе се појави серија според видеоиграта „The Last of Us“, многумина сметаа дека серијата нема да биде квалитетна. Ова е очекувана реакција бидејќи и претходно се правени вакви проекти од кои повеќето беа неуспешни отколку успешни.
Сепак, очекувањата се зголемија откако беше најавено дека серијата ќе биде во продукција на HBO.
Познато е дека првата сезона на „The Last of Us“ ќе има 10 епизоди, а сега е откриено дека ќе бидат вложени многу пари во креирањето на оваа серија, а буџетот ќе биде речиси како оној на „Game of Thrones“.
Серијата ќе се снима во Канада и веќе се смета за најголем филмски проект во оваа земја кој ќе придонесе за развој на локалната економија.
Познато е дека Џоел ќе го глуми Педро Паскал, а Ели ќе ја глуми Белу Рамзи. Се очекува дека серијата ќе се појави во 2022 година, но засега не е објавен официјалниот датум.
