Корејскиот произведувач најави дека наскоро ќе го претстави освежениот компактен СУВ модел Kona.
Произведувачите на автомобили ретко се одлучуваат за поголеми стилски интервенции кога станува збор за редизајн на веќепостоечки модел. Меѓутоа, првите фотографии покажуваат дека Hyundai направи неколку промени на надворешноста на Kona.
Иако се покажани само затемнетите детали на предниот дел на автомобилот, се забележуваат и нови светла, како и нов дизајн на маската на ладилникот и браникот.
Првиот впечаток е дека автомобилот сега има подинамичен изглед.
N Line од обичната Konа се разликува по обликот на предниот браник.
Повеќе детали за редизајнираниот СУВ ќе бидат објавени во наредните недели кога се очекува и официјалната премиера на моделот Hyundai Kona за 2021 година.